ЭССЕ БАЙҚАУЫ – ОЙ БӘСЕКЕСІ!
«Республика және Конституция: жауапты азамат – қуатты мемлекет» атты апталық аясында 9–10-сынып оқушылары арасында эссе байқауы өткізілді.
Байқау қазақ және орыс тілдерінде ұйымдастырылып, оқушылар өз шығармаларында Конституцияның маңыздылығы, азаматтық құқықтар мен міндеттер, сондай-ақ табиғат алдындағы жауапкершілік туралы ойларын ортаға салды. Эссе жазу барысында білім алушылардың азаматтық ұстанымы, шығармашылық қабілеті мен ойды жүйелі жеткізу дағдылары көрініс тапты.
Байқауды ұйымдастырушылар: қазақ тілі мен орыс тілі бірлестігінің мұғалімдері Б. Токмурзаева, Р. Досова, А. Умирбекова, А. Кылышева және А. Тулбасиева.
БАЙҚАУ ҚОРЫТЫНДЫСЫ БОЙЫНША:
І орын – 9 «А» сынып оқушысы Жұманова Ақмарал;
ІІ орын – 9 «Ә» сынып оқушысы Тасыбек Мөлдір және 10 «Ғ» сынып оқушысы Абдрахман Нұрайлым;
ІІІ орын – 9 «Б» сынып оқушысы Гайбиддин Аяулым және 9 «Г» сынып оқушысы Сайлау Мерей.
Жеңімпаздарды шын жүректен құттықтаймыз! Барлық қатысушыларға шығармашылық шабыт, білім жолында толағай табыс және жарқын жетістіктер тілейміз!
Жауапты азамат болу – ел болашағына жауапкершілікпен қараудан басталады!
