2026 жылғы 8 қазан күні «Д. Қонаев атындағы №9 IT-мектеп-лицейі» КММ-нің 11-сынып оқушылары Жетісай ауданының білім бөлімі тарапынан ұйымдастырылған аудандық ҰБТ срезін тапсырды.
Сынақтың негізгі мақсаты – оқушылардың білім деңгейін анықтау, Ұлттық бірыңғай тестілеуге дайындығын саралау және біліміндегі олқылықтарды анықтап, оларды толықтыру бағытында жұмыс жүргізу.
Аудандық сынақ оқушыларға өз білімдерін тексеріп, дайындық деңгейін бағалауға және алдағы ҰБТ-ға деген жауапкершіліктерін арттыруға мүмкіндік берді.
Барлық бітіруші түлектерге сәттілік тілейміз! Еңбектеріңіз жемісті болып, білімдеріңіз жоғары нәтижелерге жетелесін! Алдағы ҰБТ-дан жоғары балл жинап, армандаған мамандықтарыңызға түсулеріңізге тілектеспіз!
Білімді ұрпақ – жарқын болашақ кепілі!
